बेलौरी प्रहरीद्वारा खैरो हेरोईन सहित एक जना पक्राउ

हरिलाल  जोशी
बेलौरी –  कञ्चनपुरको ईलाका प्रहरी कार्यालय बेलौरी प्रहरीले खैरो हेरोईन सहित एक जनालाई पक्राउ गरेको छ ।
आईतबार दिउँसो दुई बजेतिर भारतबाट नेपाल तर्फ आउँदै गरेको अवस्थामा बेलौरी नगरपालिका-१०, शिवनगरबाट सोही ठाउँका ३८ वर्षीय बलराम चौधरीलाई खैरो हेरोईन सहित प्रहरीले पक्राउ गरेको हो ।
प्रहरी नायव निरीक्षक महेशराम महरको कमाण्डमा खटिएको प्रहरी टोलीले भारतबाट आउँदै गरेका चौधरीलाई शंकाको आधारमा चेकजाँच गर्दा पाईन्टको खल्तीबाट दुई पोकामा १२.११ ग्राम खैरो हेरोईन फेला परेको बेलौरीका प्रहरी निरीक्षक दानसिंह भण्डारीले जानकारी दिए ।
चौधरीलाई ईलाका प्रहरी कार्यालय बेलौरीको हिरासतमा राखी थप अनुसन्धान भइरहेको प्रहरी निरीक्षक भण्डारीले बताए ।