पुनर्वासमा पूर्व मेयर तथा मेयरका प्रत्यासी थापाद्वारा नव निर्वाचित मेयर शर्मालाई बधाई

हरिलाल  जोशी
पुनर्वास  – कंचनपुरको पुनर्वास नगरपालिकाका पूर्व मेयर तथा एकिकृत समाजवादीबाट मेयरका प्रत्यासी जीवनराज थापाले नव निर्वाचित मेयर तोयप्रसाद शर्मालाई बधाई दिएका छन् ।
सोमबार बिहान निर्वाचन अधिकृतको कार्यालय पुनर्वासले निर्वाचित घोषणा गरेपछि मेयरका प्रत्यासी थापाले खादा र अविर सहित अंगालो मार्दै सफल कार्यकालको शुभकामना सहित हार्दिक बधाई व्यक्त गरेका हुन् ।
समाजवादीबाट मेयरका प्रत्यासी थापाले शुभकामना सहित बधाई दिन बिहानैदेखि पुनर्वास नगरपालिकाको गेट अगाडी नव निर्वाचित मेयरलाई बधाई दिन प्रतीक्षामा कुरेर बसेका थिए ।
उनले नगर भित्र आफ्नो कार्यकालमा भएका अधुरा कार्यहरुले पूर्णता पाउने विश्वास समेत लिएको बताए ।