न्यून गुणस्तरका दुई औषधि बिक्री वितरणमा रोक

काठमाडौँ — औषधि व्यवस्था विभागले दुई प्रकारका औषधिको बिक्री वितरणमा रोक लगाएको छ । अनुगमनका क्रममा दुई औषधि न्यून गुणस्तरको पाइएको उल्लेख गर्दै बजारबाट बिक्री वितरणमा रोक्का गरी तुरुन्त फिर्ता गर्न विभागले सूचना जारी गरेको छ ।
बुधबार एक सूचना प्रकाशित गरी विभागले विभागले मेट्रो ४०० एमजी( मेट्रोनिन्डाजोल ट्याबलेट) र सेटोफेन( प्यारासिटामोल ट्याबलेट ५०० एमजी) नामक औषधिहरुको बिक्री वितरण रोक लगाएको हो ।
विभागले यी औषधिहरु बिक्री वितरणका साथै सिफारिस तथा प्रयोग नगर्न/नगराउन अनुरोध गरेको छ । यी दुवै औषधिहरु लोमस फर्मास्युटिकल्स प्रालिका उत्पादनहरु हुन् ।

Facebook Comments
Down to post ads-480-38

Comments are closed.